اسلام آباد (نیوزڈیسک) محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم سرد اور خشک رہیگا جبکہ پنجاب، خیبرپختونخوا کے میدانی علاقوں اور بالائی سندھ میں رات اور صبح کے اوقات میں دھند کا سلسلہ جاری رہے گا۔

رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا تاہم پنجاب کے میدانی اور بالائی سندھ کے بیشتر علاقے دھند کی لپیٹ میں رہے۔ اتوار کو ملک میں کم سے کم درجہ حرارت کی رپورٹ کے مطابق سکردو میں درجی حرارت منفی 10 ڈگری سینٹی گریڈ تک گر گیا جبکہ ہنزہ، گلگت ،گوپس میں منفی05، استورمنفی 04، دیر،کالام منفی 03، قلات، بگروٹ، مالم جبہ منفی 02، راولاکوٹ، چترال اور بونجی میں منفی ایک ڈگری سینٹی گریڈ ریکارڈ کیا گیا۔