کراچی (مانیٹرنگ ڈیسک) تازہ ترین میڈیا رپورٹس کے مطابق کراچی سے اسلام اآباد جانے والی پی آئی اے کی پرواز وی آئی پی کلچر کا نشانہ بن گئی ۔ میڈیا رپورٹس کے مطابق کراچی ست براہ راست اسلام آباد جانے والی پی آئی اے کی پرواز پی کے 368 کا روٹ تبدیل کر دیا گیا جس کی وجہ اپوزیشن لیڈر قومی اسمبلی سید خورشید شاہ اور پیپلز پارٹی رہنما منظور وسان کو بتایا جا رہا ہے ۔ میڈیارپورٹس کے مطابق پرواز اب براہ راست اسلام آباد جانے کی بجائے براستہ سکھر اسلام آباد جائے گی چونکہ طیارے میں سوار اپوزیشن لیڈر قومی اسمبلی سید خورشید شاہ اور پیپلز پارٹی رہنما منظور وسان کو سکھر جانا تھا اور دونوں رہنماؤں کی وجہ سے پرواز براہ راست اسلام آباد جانے کی بجائے اب براستہ سکھر اسلام آباد جائے گی۔ جہاز میں موجود مسافروں کی جانب سے اس پر شدید احتجاج بھی کیاگیا ہے ۔