جیکب آباد(این این آئی)ہندونوجوان اتحاد کی جانب سے پاک فوج کی حمایت اورانڈیا کے خلاف زبر دست ریلی مودی کے خلاف نعرے سبز ہلالی پرچم اٹھاکر شہر کا گشت تفصیلات کے مطابق جیکب آبادمیں بھارتی جارحیت کے خلاف اور پاک فوج کی حمایت میں ہندونوجوان اتحاد کی جانب سے وکی وادھوانی ،جیش تلسی کی قیادت میں ایک زبر دست ریلی نکالی گئی جس میں وجے ،راجا،ونیش،سنی تلریجا ،ستیش،سندیش،ساگر ،دھیرج ،ہری کمار وددیگر نے بھی شرکت کی ریلی کے شرکاء نے بھارتی وزیر اعظم نریندرمودی کے خلاف سخت نعریبازی کی ان کے ہاتھوں میں سبز ہلالی پرچم تھے مظاہرین نے شہر کے مختلف راستوں پر مارچ کیا اور ڈی سی چوک پہنچے جہاں خطاب کرتے ہوئے رہنماؤں نے کہاکہ ہندونوجوان پاک فوج کے ساتھ مل کر ملک کا دفاع کریں گے شرکاء نے پاکستان زندہ باد کے فلک شگاف نعرے بھی لگائے ۔