لاس اینجلس(مانیٹرنگ ڈیسک) معروف ہالی ووڈ اداکارہ اینجلینا جولی نے معروف شہرہ آفاق اداکار بریڈ پٹ سے طلاق لینے کیلئے عدالت پہنچ گئی۔غیر ملکی خبر رساں ایجنسی کے مطابق ہالی ووڈ اداکارہ اور اقوام متحدہ کی مہاجرین کیلئے مقرر سفیر انجیلینا جولی نے اداکار بریڈ پٹ سے طلاق لینے کا اعلان کردیا ہے ۔انجیلینا جولی کےوکیل بھی نے طلاق سے متعلق تصدیق کرتے ہوئے بتایا ہے کہ انجیلینا جولی نے یہ فیصلہ بچوں کی حوالگی، بریڈ کی طرف سے مسلسل تشدد اور غصے کے باعث کیا ہے۔جولی کے اٹارنی کا کہنا ہے کہ طلاق کیلئے دائر درخواست میں اینجلینا جولی نے جوائنٹ لیگل کسٹڈی کا مطالبہ کیا ہے۔ذرائع کے مطابق جولی کو بریڈ پٹ کی جانب سے بچوں کیساتھ برے برتاؤ اور سلوک کا شکوہ تھا، وہ بارہا پٹ کو اپنے چھ گود لیے گئے بچوں کیساتھ اچھے برتاؤ کی نصیحت کر چکی تھی، تاہم اس کے باوجود بریڈ کے مزاج اور سلوک میں کوئی فرق نہیں آیا۔اینجیلینا جولی کی جانب سے طلاق کیلئے پندرہ ستمبر کی تاریخ دی گئی تھی۔

موضوعات:اقوام متحدہ کی مہاجرین کیلئے مقرر سفیر معروف ہالی ووڈ اداکارہ اینجلینا جولی