کراچی(مانیٹرنگ ڈیسک) 15 ویں لکس اسٹائل ایوارڈ کی تقریب کے دوران اداکار فواد خان نے ماڈل گرل فوزیہ امان کا ایوارڈ دوسری جانب پھینک دیا۔پاکستانی شوبزکے سب سے بڑے ایوارڈ شو ’’ لکس اسٹائل ایوارڈ شو‘‘ کی رنگا رنگ تقریب کراچی میں منعقد ہوئی جس میں فلمی ستاروں اور ڈرامہ انڈسٹری سے تعلق رکھنے والی معروف شخصیات نے بڑی تعداد میں شرکت کی۔ تقریب کے دوران ماڈل گرل فوزیہ امان کو ایوارڈ دینے کے لیے فواد خان کو اسٹیج پر بلایا گیا جہاں انہوں نے ایوارڈ دینے کی بجائے اچانک ہی دوسری جانب پھینک دیا جس پر سب نے ہی حیرانی کا اظہار کیا اور اس دوران اداکاراحمد علی بٹ کے ساتھ دلچسپ جملوں کا تبادلہ بھی ہوا۔فواد خان نے اپنی غلطی کا احساس ہونے پر معافی بھی مانگی اور فوری طور پر اسٹیج کے پیچھے چلے گئے جس پر پورے ہال میں قہقہے گونج اٹھے لیکن اب دیکھنا ہے کہ فواد خان نے ماڈل گرل کے ساتھ مذاق کیا تھا یا واقعی میں ان سے غلطی سرزد ہوگئی تھی

موضوعات:فوادخان لکس اسٹائل ایوارڈ