نئی دہلی (مانیٹرنگ ڈیسک)بھارت کے اسپتالوں میں لڑکی کی پیدائش پراب والدین کو بل ادا کرنے کی ضرورت نہیں رہے گی۔ بھارتی ٹی وی کے مطابق اس صنفی فرق کو ختم کرنے کے لئے حکومت اس منصوبے پر غور کررہی ہے کہ آئندہ والدین کو لڑکی کی پیدائش پر اسپتال کا بل نہ دینا پڑے۔بھارتی شہر احمد آباد میں قائم ایک اسپتال میں خصوصی پیشکش جاری ہے جس میں ان جوڑوں کے لیے خوشخبری ہے جن کے یہاں بیٹی کی پیدائش ہوگی ۔اسپتال انتظامیہ کی جانب سے ان کا بل ادا کیا جائے گا۔یہ اقدام بھارت میں بگڑتے ہوئے صنفی توازن کی روک تھام کے لیے کیا جارہا ہے۔رپورٹ کے مطابق یہ اقدام ایسے معاشرے میں عمل میں لایا جارہا ہے جہاں لڑکیوں کی تعداد لڑکوں کے مقابلے میں گیارہ فیصد کم ہے۔30 سالہ سندھو اسپتال میں گزشتہ ماہ اس نئے منصوبے کا آغاز ہوا ہے جہاں ڈیڑھ سوسے زائدخواتین کیناموں کو پہلے ہی ڈیلیوری کی غرض سے درج کیاجا چکا ہے۔معمول کے مطابق اسپتال میں نارمل ڈیلوری کا پیکیج سات ہزار اور سی سیکشن کے لیے بیس ہزار کی قیمت وصول کی جاتی ہے،صرف احمد آباد میں ہی نہیں،بھارت بھر میں یہ اقدام انتہائی ضروری ہے ۔یہ اقدام بظاہر چھوٹا مگر مثبت ہے جو اسپتال انتظامیہ اور ڈاکٹروں کی کوششوں سے پائے تکمیل کو پہنچنے والا ہے۔ ملک بھر میں پیدا ہونے والی بچیوں کی زندگیاں بچانے کے لیے یہ بہت ضروری ہے