لندن (مانیٹرنگ ڈیسک ) پاکستانی ٹیم نے لارڈز کے میدان پر فتح کے بعد منفرد انداز میں فتح کا جشن منا کر پاک فوج کو خراج تحسین پیش کیا لیکن حریف کپتان ایلسٹر کک کو گرین شرٹس کا فتح جشن منانے کا یہ انداز پسند نہ آیا۔میچ کے بعد جب ایلسٹر کک سے سوال کیا گیا کہ انہیں پاکستانی ٹیم کا جشن منانے کا یہ انداز کیسا لگا تو انہوں نے کہا کہ ہم نے اس کا ہرگز بْرا نہیں منایا لیکن ایسے جذباتی وقت میں یہ دیکھنا اچھا نہیں لگ رہا تھا۔ انہوں نے کہا کہ جب آپ کرکٹ کا میچ ہارتے ہیں تو ابتدائی 20 منٹ تک یہ اچھا محسوس نہیں ہوتا۔ لیکن وہ جو چاہیں کر سکتے ہیں۔ یہ چیز انہیں متحد کرتی ہے اور ظاہر کرتی ہے کہ ہمیں کس چیلنج کا سامنا ہے۔ تاہم اس موقع پر انہوں نے مانچسٹر میں ہونے والے اگلے ٹیسٹ میچ میں فتح کی امید ظاہر کی۔ انگلش کپتان نے کہا کہ ہمیں امید ہے کہ اولڈ ٹریفورڈ میں کرکٹ کے خدا ہمارے حق میں ہوں گے۔