لندن(آئی این پی)پاکستان کرکٹ ٹیم کے کپتان مصباح الحق نے کہا ہے کہ تمام کھلاڑیوں نے اچھی کارکردگی کا مظاہرہ کیا،محمد عامر اب ایک میچور کرکٹر ہے،پاکستان کرکٹ ٹیم نے کرکٹ کے وقار کو بحال کردیا ہے، کرکٹریاسر شاہ نے کہا ہے کہ شاندار کارکردگی پر خدا کا شکر ادا کرتا ہوں،ٹیم نے بھی میرابھرپور ساتھ دیا ہے۔اتوار کو پاکستان کرکٹ ٹیم کی انگلینڈ کے خلاف فتح پر کپتان مصباح الحق نے کہا کہ یاسر شاہ نے بہترین باؤلنگ کی،جیتکا دن محمد عامر کیلئے بھی یادگا ہے،وہ اب ایک میچور کرکٹر ہے،انہوں نے کہا کہ پاکستان کرکٹ ٹیم نے کرکٹ کے وقار کو بحال کردیا ہے،آج کی کامیابی عبدالستار ایدھی کے نام کرتے ہیں،انہوں نے ساری زندگی انسانیت کی خدمت کی،کرکٹر یاسر شاہ نے کہا کہ لارڈز گراؤنڈ میں باؤلنگ کا مزہ آیا،دباؤ میں تھا پوری ٹیم نے مجھے سپورٹ کیا۔انہوں نے کہا کہ آج زیادہ اچھی بیٹنگ کرنے کے ارادے سے آیا تھا مگر پھر بھی بیٹنگ میں بھی اچھی کارکردگی دکھانے کی کوشش کی ہے۔انہوں نے کہا کہ شاندار بولنگ پر خدا کا شکر گزار ہوں کے اس نے مجھے عزت بخشی،لارڈز کے میدان پر بہتر پرفارمنس پر بہت خوش ہوں دباؤ میں تھا پوری ٹیم نے مجھے سپورٹ کیا۔انہوں نے کہا کہ بولنگ فیلڈ میں خصوصی توجہ تھی،اس لئے بہتر پرفارم کرسکا۔