بیجنگ (این این آئی)چینی معاشی ماہرین نے خبردار کیا ہے کہ برطانیہ کا یورپی یونین چھوڑنے کا فیصلہ عالمی میعشت پر اثرات ڈالے گا۔ میڈیا رپورٹ کے مطابق چین کے وزیرِ خزانہ لوجیوی نے کہا کہ اس فیصلے کے مضمرات اور اثرات اگلے پانچ سے دس برس میں سامنے آئیں گے۔چین کے مرکزی بینک کی مانیٹری پالیسی کی کمیٹی کے رکن ہوانگ ژپنگ کے بقول برطانیہ کی جانب سے یورپی یونین کو خیرآباد کہنا عالمگیریت کے اختتام کا نقطہ آغاز ثابت ہو سکتا ہے۔انہوں نے کہاکہ اگر ایسا ہوا تو یہ چین اور دنیا کے مفاد کے خلاف ہوگا۔بین الاقوامی قانونی فرم ’بیکر اینڈ میکنزی‘ کے مطابق گذشتہ برس برطانیہ میں چین نے تین اشاریہ تین کھرب ڈالر کی براہ راست سرمایہ کاری کی تھی ٗ 2005 سے 2015 کے درمیان چین برطانیہ میں تقریباً 30 کھرب ڈالر کی سرمایہ کاری کر چکا ہے۔خیال رہے کہ گذشتہ برس چین کے صدر شی جن پنگ کے دورہ برطانیہ کے موقعے پر وزیرِاعظم ڈیوڈ کیمرون نے 40 کھرب پاؤنڈ کے دو طرفہ معاہدوں کا اعلان کیا تھا ٗچینی وزیر خارجہ کے مطابق ریفرنڈم کا نتیجہ عالمی میعشت پر اثرانداز ہوگا تاہم یہ اثرات کیا ہوں گے اس بات کی پیشنگوئی کرنا مشکل ہے۔ ان کا کہنا ہے کہ ریفرینڈم کے بعد عالمی منڈی میں گراوٹ ضرورت سے زیادہ ردِعمل تھاان کے مطابق عالمی مارکیٹس کا ردِ عمل شاید زیادہ تھا ، صورتحال کا ٹھنڈے دل سے غیر جانبدارانہ جائزہ لینے کی ضرورت ہے۔