دبئی(نیوزڈیسک)تمام افواہیں دم توڑ گئیں،کرس گیل نے جو کہاکردکھایا،ویسٹ انڈیزکے کھلاڑی کرس گیل پاکستان سپرلیگ میں شرکت کیلئےدبئی پہنچ گئے ہیں۔ کرس گیل پاکستان سپرلیگ میں لاہورقلندرزکی نمائندگی کریں گے۔لاہور قلندرز کے آفیشلز نے دبئی میں کرس گیل کا استقبال کیا۔ پاکستان سوپر لیگ آج سے امارات میں شروع ہو گی۔ پہلے میچ سے قبل رنگا رنگ افتتاحی تقریب ہو گی جس میں نام ور فن کار اپنے فن کا جادو جگائیں گے۔واضح رہے کہ اس سے قبل یہ افواہیں گردش کررہی تھیں کہ کرس گیل فٹنس مسائل کی وجہ سے پاکستان سپر لیگ میں شرکت نہیں کریںگے۔