اسلام آباد (نیوزڈیسک )اس وقت تمام پری پیڈ موبائل فون صارفین کو ہر100 روپے کے ریچارج پر 75.77 روپے کا بیلنس ملتا ہے۔ مگر اب یکم جنوری2016 سے صرف زونگ کے تمام نئے صارفین کو ” پورا بیلنس” آفر کے تحت سم ایکٹیویشن کے اگلے30 دنوں تک ہرریچارج پر پورا بیلنس فراہم کیا جائے گا۔ یعنی ہر نئے صارف کی جانب سے ریچارج پرعائد ہونے والے تمام ٹیکسز اور فیس کی کٹوتیاں پورا ایک ماہ زونگ تحفتاً خود ادا کرے گا۔صارف دوست آفر متعارف کرنے پر زونگ کے ڈائریکٹر مارکیٹنگ زینگ پینگ کا کہنا تھا کہ ” پورا بیلنس” آفر بلاشبہ ہماری صارف دوست پالیسیز کی ایک اور بہترین مثال ہے ۔ اس طرز کی آفرز کی فراہمی ہمیشہ سے زونگ کاطرہ امتیاز رہا ہے جو اسے دیگر ٹیلی کام کمپنیوں سے منفرد بناتی ہے ، آنے والے دنوں میں اس سلسلے کو جاری رکھیں گے۔زونگ کے تمام نئے صارفین جو بذریعہ سکریچ کارڈز، مِنی لوڈز، ای ٹوپ اپس یا آن لائن ریچارج کریں گے ، اس آفر سے استفادہ کرنے کے اہل ہوں گے۔واضح رہے کہ اس آفر کا مقصد زونگ کے ہر نئے صارف کوبھر پور طریقے سے خوش آمدید کہنا ہے ۔