سڈنی۔۔۔۔ ا سٹریلیا میں بھارتی ٹیسٹ کپتان ویرات کوہلی نے نیا ریکارڈ قائم کردیا، وہ ا سٹریلوی سرزمین پر کسی بھی ایک ٹیسٹ سیریز میں4 سنچریاں داغنے والے تیسرے غیرملکی کرکٹر بن گئے۔
انھوں نے یہ کارنامہ ا سٹریلیا میں86 برس بعد دہرایا ہے، کوہلی سے قبل انگلینڈکے والی ہیمنڈ نے1929 میں اور ہربرٹ سٹکلف نے1925 میں یہ کارنامہ انجام دیا تھا، کوہلی نے ا سٹریلیا کیخلاف ایڈیلیڈ ٹیسٹ کی دونوں اننگزمیں (115اور143) سنچریاں اسکور کی تھیں ، اس کے بعد میلبورن ٹیسٹ میں بھی وہ 169 رنزبنانے میں کامیاب رہے تھے جبکہ سڈنی میں جاری چوتھے ٹیسٹ میچ میں بھی147رنز بناکرنمایاں رہے، انگلینڈ کی جانب سے دائیں ہاتھ سے کھیلنے والے بیٹسمین ہیمنڈ نے1928۔29 سیریزمیں اسٹریلیا کے خلاف 4 سنچریاں اسکور کی تھیں۔انھوں نے سڈنی میں251 رنز، میلبورن میں 200 اور پھر سڈنی ٹیسٹ کی پہلی اننگز میں 119 ناٹ اوٹ اور دوسری اننگز میں177رنزبنائے تھے، ہیم نڈ سے قبل انگلینڈ ہی کے ایک اور بیٹسمین ہربرٹ اسٹکلف اسٹریلیا کیخلاف سیریز میں115 رنز،176، 127 اور 143 کی اننگز کھیلی تھیں،ٹیسٹ کرکٹ میں ویرات کی یہ مجموعی طور پر10 ویں ٹیسٹ سنچری ہے، انھوں نے اپنے ٹیسٹ کیریئر میں جو10 سنچریاں بنائیں ، ان میں سے چھ سنچریاں اسٹریلیا کے خلاف ہیں۔