لندن ( این این آئی) قومی کرکٹ ٹیم کے نوجوان فاسٹ بولر زمان خان کی انگلینڈ کی ٹی ٹونٹی بلاسٹ میں شاندار کارکردگی کا سلسلہ جاری ہے۔نارتھمپٹن شائر کے خلاف میچ میں ڈربی شائر کی نمائندگی کرتے ہوئے زمان خان نے 4اوورز میں 26رنز دیکر 3کھلاڑیوں کو پویلین کی راہ دیکھائی جبکہ سیزن میں مشترکہ طور پر سب سے زیادہ وکٹیں لینے والے چوتھے کھلاڑی بننے کا اعزاز بھی حاصل کرلیا،

انہوں نے ٹورنامنٹ میں مجموعی طور پر 19 وکٹیں حاصل کررکھی ہیں۔ٹی ٹونٹی بلاسٹ میں زمان کی کارکردگی اب تک قابل تعریف رہی ہے، انہوں نے 11 میچ کھیلے اور 17.5 کی اوسط سے 19 وکٹیں حاصل کیں، جس کا اکانومی ریٹ 8.3 رہی۔زمان خان کی کارکردگی نے ڈربی شائر کو کئی میچز میں فتوحات سے ہمکنار کروایا ہے۔واضح رہے کہ انگلش ٹی ٹونٹی بلاسٹ میں پاکستانی کرکٹرز شاہین شاہ آفریدی، نسیم شاہ،زمان خان، شاداب خان، اسامہ میر، حسن علی، محمد عباس،ظفر گوہر،شان مسعود اور حیدر علی شریک ہیں۔