اسلام آباد(این این آئی)سابق وفاقی وزیر فیصل واوڈا نے صدر مملکت عارف علوی پر چیئرمین پاکستان تحریک انصاف کی آنکھ میں دھول جھونکنے کا الزام لگادیا۔نجی ٹی وی سے گفتگو کرتے ہوئے فیصل واوڈا نے کہاکہ صدر عارف علوی نے آرمی چیف کی تقرری کے نوٹیفکیشن پر دستخط پہلے کئے
اور چیئرمین تحریک انصاف سے مشورہ بعد میں کرکے ان کی آنکھوں میں دھول جھونکی۔سابق وزیرنے کہاکہ صدر مملکت نے اپنے موبائل فون سے نئے آرمی چیف کی چیئرمین پی ٹی آئی سے بات کرانے کی کوشش کی جس پر انہیں ناکامی کا سامنا کرنا پڑا۔سابق وفاقی وزیر نے کہاکہ ملک میں ایسی کوئی پارٹی نہیں رہی جس میں شامل ہوجائوں، الیکشن بالکل اسی سال ہوجائیں گے اور میں حصہ لوں گا۔انہوںنے کہاکہ ملک میں استحکام آئے گا تو استحکام پارٹی کو بھی دیکھ لیں گے،مجھے بتایا جائے کہ جو خود ٹیڑھے ہیں، وہ ملک کا فریم کیسے سیدھا کریں گے؟۔فیصل واوڈا نے کہا کہ الیکشن میں مجھے آزاد چہرے کامیاب ہوتے نظر آرہے ہیں،اسد عمر چاروں اطراف کھیل رہے ہیں،انہوں نے ہی پارٹی کو تباہ کیا ہے۔
