نیویارک(نیوز ڈیسک) ہالی ووڈ کی تھری ڈی کمپیوٹر اینیمیٹڈ فینٹسی کامیڈی فلم ہوٹل ٹرانسلوانیا کے سیکوئل ہوٹل ٹرانسلوانیا ٹوکانیا ٹریلر جاری کردیا گیا ہے۔ہدایتکار جینڈی ٹارٹاکووسکی کی اس کامیڈی فلم کی کہانی ڈریکولا کے کردار کے گرد گھومتی ہے جس نے دیووں اور بلاوں کیلئے فائیو اسٹار ریسورٹ بنایا ہوا ہے۔مشعیل مرڈوکا کی پروڈیوس کردہ اس فلم کے مرکزی کرداروں کے ڈائیلاگز کی ڈبنگ معروف ہالی ووڈ اداکار ایڈم سینڈلر،گلوکارہ و اداکارہ سلیناگومزاور ڈیوڈاسپیڈکی ا?واز وں میں کرائی گئی ہے۔کولمبیا پکچرز کے تحت اس تھری ڈی اینیمیٹڈ فلم ہوٹل ٹرانسلوانیا ٹو 25ستمبر کو دنیا بھر کے سنیما گھروں میں نمائش کیلئے پیش کر دیا جائے گا۔