کراچی۔۔۔۔سندھ حکومت نے شہر قائد میں ٹریفک کے بہاؤ کو بلاتعطل جاری رکھنے کے لئے 36 کلومیٹر طویل فلائی اوور کی تعمیر کی منظوری دے دی ہے سندھ حکومت نے کراچی میں قائد آباد سے جناح برج تک فلائی اوور کی تعمیر کے منصوبے کی منظوری دے دی ہے، 36 کلو میٹر طویل اس فلائی اوور پر 6ارب روپے لاگت آئے گی اور اسے پبلک پرائیویٹ پارٹنرشپ کے تحت تعمیر کی جائیگا۔ منصوبے کی تکمیل کے لئے بین الاقوامی معیار کے مطابق ٹینڈر طلب کئے جائیں گے اور اسے کراچی میٹروپولیٹن کارپوریشن کے ذریعے مکمل کرایا جائے گا۔سندھ حکومت کا کہنا ہے کہ اس منصوبے سے جہاں شہر قائد میں ٹریفک کے مسائل پر قابو پانے میں مدد ملے گی وہیں کراچی کے حسن میں بھی اضافہ ہوگا۔