ممبئی(نیوز ڈیسک) بالی ووڈ ہدایتکار اور پروڈیوسر مہیش بھٹ کا کہنا ہے کہ بالی وڈ فلم بنانے والوں کو اپنی فلموں کی شوٹنگ کراچی، لاہور اور مری میں کرنا چاہیے۔
یہ بات انھوں نے ”پاکستان انڈیا پیپلز فورم فور پیس اینڈ ڈیموکریسی“کے تحت سیمینار سے بذریعہ ”سکائپ“ خطاب کرتے ہوئے کہی۔ مہیش بھٹ کا کہنا تھا کہ کراچی، لاہور، مری اور بھارتی شہروں میں بہت مماثلت پائی جاتی ہے۔یہ بات قابل افسوس ہے کہ بھارتی فلم بنانے والے کراچی اور دیگر شہروں کی خوبصورت لوکیشنز کو اپنی فلموں میں استعمال نہیں کرتے۔ انھیں ان شہروں کو اپنی فلموں کا حصہ بنانا چاہیے۔ مہیش بھٹ کا مزید کہنا تھا کہ ’بالی وڈ کی بعض فلموں میں بھی نفرت کا پیغام دیا جاتا ہے لیکن باکس ا?فس پر ایسی فلموں کو عوام مسترد کر دیتے ہیں۔