پاکستان میں کرونا وائرس آگ کی طرح پھیلنےلگا ،مریضوں کی تعداد اندازوں سے کہیں زیادہ ،مستقبل میں کیا کچھ ہونیوالا ہے؟ معروف پاکستانی سائنسدان ڈاکٹر عطاالرحمن نے حقیقت سے پردہ اٹھا دیا

  اتوار‬‮ 29 مارچ‬‮ 2020  |  16:33

اسلام آباد ( آن لائن )چیئرمین ٹاسک فورس سائنس اینڈ ٹیکنالوجی ڈاکٹر عطاء الرحمٰن نے کہا کہ حالات کو بگڑتے ہوئے دیکھ رہا ہوں، کورونا وائرس کے مریضوں کا جو ڈیٹا آ رہا ہے وہ صحیح عکاسی نہیں کر رہا، مریضوں کی اصل تعداد زیادہ ہے۔میڈیا سے گفتگو کرتے ہوئے چیئرمین ٹاسک فورس سائنس اینڈ ٹیکنالوجی ڈاکٹر عطاء الرحمٰن نے کہا کہ کورونا وائرس کے زیادہ سے زیادہ ٹیسٹ کیے جائیں۔ انہوں نے بتایا کہ کچھ ڈرگس کا اگلے ہفتے سے جاوید اکرم کی نگرانی میں کلینیکل ٹرائل شروع کر دیا جائے گا، پاکستان میں کورونا کی ساخت سے متعلق


10 روز میں اندازہ ہو جائے گا۔ڈاکٹر عطاء الرحمٰن نے کہا کہ کورونا پر اگر قابو پانا ہے تو زیادہ سے زیادہ ٹیسٹ کرنے ہوں گے، یہ مرض آگ کی طرح پھیل رہا ہے، امریکا جیسے ملک نے اس کے آگے گھٹنے ٹیک دیے ہیں۔ انہوں نے مزید کہا کہ جو لوگ بغیر کسی مقصد کے گھروں سے باہر نکل رہے ہیں انہیں جیلوں میں ڈالنا ہو گا، سخت اقدامات نہیں کیے گئے تو معاملہ خراب ہو سکتا ہے۔چیئرمین ٹاسک فورس سائنس اینڈ ٹیکنالوجی نے یہ بھی کہا کہ اللہ کرے کہ میری بات غلط ہو لیکن حالات مزید بگڑیں گے، حکومت کو فوری طور پر آئسولیشن سے متعلق سخت اقدامات کرنے چاہئیں اور ٹیسٹنگ کرنی چاہیے ۔


موضوعات: