اسلام آباد (مانیٹرنگ ڈیسک)وزیراعظم عمران خان سیالکوٹ سے ہیلی کاپٹر کے ذریعے کرتار پور راہداری پہنچ گئے جہاں انہوں نے آگے کا سفر بس میں بیٹھ کر کیا ، کرتار پور پہنچ کر وزیراعظم عمران خان نے مہمان سابق بھارتی وزیراعظم منموہن سنگھ سے مصافحہ کیا اور مختصر گفتگو بھی کی جبکہ اس کے بعد وہ اپنے دوست
نوجوت سنگھ سدھو سے بھی ملے۔ نوجوت نے وزیراعظم عمران خان کو دیکھ کر فوری انہیں اپنے گلے سے لگا لیا اور اپنی مسرت کا اظہارکیا ۔ اس موقع پر خوبصورت الفاظوں کا تبادلہ بھی ہوا۔وزیراعظم عمران خان کرتار پور راہداری پہنچے تو وہاں موجود سکھ یاتریوں نے انہیں گھیر لیا اور ان کے ساتھ سیلفیاں بھی بنائیں ۔
