اسلام آباد (این این آئی)سلو اوور ریٹ کے باعث بلوچستان کرکٹ ٹیم پر 25ہزار روپے جرمانہ عائد کر دیا گیا ۔ پاکستان کرکٹ بورڈ کی جانب سے جاری اعلامیہ میں کہاگیا کہ قوانین کے مطابق بلوچستان کرکٹ ٹیم پر 25 ہزار روپے جرمانہ عائد کیا گیا،بلوچستان کرکٹ ٹیم نے نیشنل ٹی ٹونٹی کپ کے فائنل میچ میں مقررہ وقت سے دواوورز کم کیے،بلوچستان کرکٹ ٹیم نے پی سی بی کوڈ آف کنڈکٹ کے آرٹیکل 4.2 کی

خلاف ورزی کی،آن فیلڈ امپائرز احمد شہاب اور آصف یعقوب نے بلوچستان کرکٹ ٹیم کو چارج کیا،میچ کے اختتام پر میچ ریفری محمد جاوید نے بلوچستان کے کپتان کو فیصلے سے آگاہ کیا،حارث سہیل کی جانب سے اعتراف جرم کرنے پر میچ ریفری نے بلوچستان کرکٹ ٹیم پر جرمانہ عائد کیا،بلوچستان اور ناردرن کے درمیان نیشنل ٹی ٹونٹی کپ کا فائنل میچ گذشتہ روز اقبال اسٹیڈیم فیصل آباد میں کھیلا گیا۔

موضوعات:پاکستان کرکٹ بورڈ