لاہور(آن لائن) قومی کرکٹ ٹیم کے ہیڈ کوچ مصباح الحق اور ٹیسٹ کپتان سمیت اظہرعلی سمیت درجنوں کرکٹرز کی ملازمتیں خطرے میں پڑ گئیں۔سوئی ناردرن گیس نے فوری طور پر کرکٹ مصروفیات چھوڑ کر دفتر جوائن کرنے کی ہدایت جاری کردیں، پی سی بی کی جانب سے نئے ڈومیسٹک کرکٹ سٹرکچر میں ڈپارٹمنٹل ٹیمیں ختم کیے جانے کے بعد کئی کرکٹرز فارغ ہوچکے ہیں جب کہ دیگر کی ملازمتیں داپر لگی ہیں۔ہیڈ کوچ اور چیف سلیکٹر مصباح الحق،ٹیسٹ کپتان اظہر علی، اسد شفیق، فاسٹ بالر محمد عباس، لیگ سپنرشاداب خان،پیسر موسی خان،وکٹ کیپر بلے باز محمد رضوان،

آ ل رانڈر افتخار احمد،لیگ سپنر یاسر شاہ،فاسٹ بالر شاہین آفریدی اورآل رانڈر محمد حفیظ سوئی ناردرن گیس کے ملازم ہیں۔ان میں سے محمد حفیظ کو چھوڑ کر باقی 10کرکٹرز آسٹریلیا جانے والے قومی سکواڈ میں بھی شامل ہیں۔علاوہ ازیں بھی محکمہ کے کئی کرکٹرز ڈومیسٹک مقابلوں میں شریک ہیں، سب کو فوری طور پر دفتر جوائن کرنے کی ہدایت کرتے ہوئے کہا گیا کہ اگر 28 اکتوبر تک نہ آئے تو تنخواہ روک لی جائے گی۔ یاد رہے کہ قومی ٹی ٹونٹی سکواڈ26اکتوبر کو آسٹریلیا روانہ ہوگا اور تین میچوں کی ٹی ٹونٹی سیریز3نومبر سے شروع ہوگی۔