لندن(اسپورٹس ڈیسک)انگلش کلب گلیمورگن نے کاؤنٹی چمپئن شپ کے آخری چار میچز کیلئے جنوبی افریقن بلے باز سٹیفن کک سے معاہدہ کر لیا۔ گلیمورگن ہیڈ کوچ روبرٹ کرافٹ نے اپنے بیان میں کہا کہ سٹیفن کک باصلاحیت بلے باز ہیں، امید ہے وہ اپنے تجربے سے فائدہ اٹھاتے ہوئے کلب کو فتوحات دلانے
میں کردار ادا کریں گے۔میڈیا رپورٹ کے مطابق کلب نے آسٹریلوی بلے باز شان مارش کی جگہ سٹیفن کک کی خدمات حاصل کی ہیں، مارش انجری مسائل سے دوچار ہیں۔ 35 سالہ کک کو 11 ٹیسٹ میچز میں جنوبی افریقہ کی نمائندگی کا اعزاز حاصل ہے اور انہوں نے تین سنچریاں سکور کیں۔
