مانچسٹر (مانیٹرنگ ڈیسک)بھارتی ٹیم کپتان ،سٹار بلے باز ویرات کوہلی نے ٹی ٹونٹی انٹرنیشنل کرکٹ میں کیریئر کے 2 ہزار رنز مکمل کر لئے، انہوں نے تیز ترین 2 ہزار رنز مکمل کر کے نیا عالمی ریکارڈ اپنے نام کر لیا، اسکے علاوہ وہ دو ہزار رنز کا ہندسہ عبور کرنے والے بھارت کے پہلے اور دنیا کے چوتھے کھلاڑی بن گئے ہیں۔

کوہلی نے انگلینڈ کے خلاف کھیلے گئے پہلے ٹی ٹونٹی میچ میں 20 رنز کی اننگز کھیل کر 2 ہزار رنز کے ہندسے کو عبور کیا، انہوں نے 60 میچز کی 56 اننگز میں 2 ہزار رنز کے ہندسے کو عبور کیا۔اس سے قبل نیوزی لینڈ کے مارٹن گپٹل، برینڈن میک کولم اور پاکستان کے شعیب ملک بھی 2 ہزار رنز کے ہندسے کو عبور کر چکے ہیں۔