اسلام آباد(مانیٹرنگ ڈیسک)پاکستان کے معروف فاسٹ بائولر اور چیمپئنز ٹرافی میں بہترین بائولر کا اعزاز حاصل کرنے والے حسن علی کیریبین لیگ میں چھائے ہوئے ہیں۔ 14اگست کے دن لیگ میں ہونے والے ایک میچ کے دوران ان کے کھیل سے متاثر ہو کر کمنٹیٹر نے بے اختیار پاکستان زندہ باد کا نعرہ لگا دیا۔ ہوا کچھ یوں کہ کیریبین لیگ کے 14اگست کے دوران ہونے والے ایک میچ کے دوران حسن علی بیٹنگ کیلئے میدان میں آئے تو 20 واں اوور چل رہا تھا اور ان کی ٹیم کے 148 رنز پر 7 کھلاڑی آؤٹ تھے۔ حسن علی
نے پہلی ہی گیند پر بلند و بالا چھکا جڑا تو کمنٹیٹر بولا ”جشن آزادی مبارک۔ پاکستان زندہ باد۔“دوسرے کمنٹیٹر نے کہا کہ ” یہ ہے حسن علی کی طاقت، وہ ناصرف باؤلنگ میں بہت زبردست ہے بلکہ ان کے اس زوردار شاٹ کو دیکھیں۔ واضح رہے کہ حسن علی فاسٹ بائولنگ کے ذریعے دنیا کی بہترین ٹیموں کو ورطہ حیرت میں ڈال چکے ہیں جبکہ اب کیربین لیگ میں ان کی بلے بازی کے جوہر بھی کھل کر سامنے آرہے ہیں اوراب 14اگست والے دن انہوں نے اپنے کھیل سے پاکستان زندہ باد کا نعرہ بھی لگوا لیا ہے۔
