اسلام آباد(آئی این پی)پاکستان سپر لیگ میں وہاب ویاض کی گیند سے زخمی ہونے والے فاسٹ بالرعمر گل نے جلد صحتیابی کیلئے مداحوں سے دعا کی اپیل کی ہے۔ سماجی رابطوں کی ویب سائٹ ٹوئٹرپرعمر گل نے اپنی زخمی کلائی کی تصاویر شیئر کرتے ہوئے لکھا ہے کہ گزشتہ دو دنون کے دوران میں بہت تکلیف سے گزرا۔ جلد صحتیابی کے لیے مجھے مداحوں کی دعاؤں کی ضرورت ہے۔ عمر گل کی جانب سے شیئر کی گئی

تصاویر میں دوران آپریشن لی گئی تصویر بھی شامل ہے جس میں ان کی کلائی میں پلیٹ ڈالی جا رہی ہے، جس سے اندازہ ہوتا ہے کہ ان کی انجری کی نوعیت کافی زیادہ تھی۔ واضح رہے کہ کوئٹہ گلیڈی ایٹرزکے فاسٹ بالرعمرگل پشاورزلمی کے خلاف میچ کے دوران وہاب ریاض کی گیند لگنے سے زخمی ہو کر پی ایس ایل سے باہرہوچکے ہیں۔ وہاب ریاض نے اس حوالے سے اپنے ٹوئٹر پیج پر افسوس کا اظہار بھی کیا تھا۔

موضوعات:پاکستان سپر لیگ عمرگل