اسلام آباد (مانیٹرنگ ڈیسک)صحت مند معاشرے کے فروغ کیلئے کھیلوں کا فروغ بے حد ضروری ہے اور اس مقصد کیلئے دنیا بھر میں مختلف اقسام کے کھیل کھیلے جاتے ہیں جن میں سے ایک ٹیبل ٹینس بھی ہے جس کا انعقاد اس بار وطن عزیز میں 15سے 17جولائی تک کراچی میں شیڈول ہے ۔ اس گیم میں شرکت کیلئے سارک ممالک کے تمام کھلاڑی پاکستان آئیں گے مگر میڈیا رپورٹس کے مطابق پاکستانی وزارت داخلہ نے بھارتی ٹیم کو ویزہ دینے سے انکاار کردیا ہے ۔ ذرائع ابھی کوئی بھی وجہ بتانے سے قاصر ہیں ، یہ بندش کشمیر مسئلہ کی وجہ سے بھی ہو سکتی ہے تاہم ابھی کچھ بھی کہنا قبل از وقت ہو گا ۔‎