دبئی(نیوز ڈیسک) وہاب ریاض نے احمد شہزاد کے ساتھ ہونے والے جھگڑے پر ندامت کا اظہار کیا ہے۔ ویب سائٹ ٹوئٹر پر اپنے ایک پیغام میں ان کا کہنا تھا کہ جیت کا جذبہ بعض اوقات آپ سے ایسے کام کروالیتا ہے۔ تمام نوجوان جنہوں نے یہ سب دیکھا ان سے گزارش ہے کہ نہ کبھی ایسا کام کریں اور نہ ہی ایسے واقعات کا اثر قبول کریں۔یاد رہے کہ جب احمد شہزاد نے چھکا لگایا تو اگلی ہی گیند پر وہاب ریاض نے ان کی وکٹ اڑادی ، جس پر دونوں میں جھگڑا ہوا اور وہاب ریاض نے احمد شہزاد کو دھکا دیا۔ پی ایس ایل انتظامیہ کی جانب سے واقعہ کا ایکشن لیا گیا اور وہاب ریاض کو میچ فیس کا 40 فیصد جبکہ احمد شہزاد کو 30 فیصد جرمانہ کردیا۔