شارجہ (نیوزڈیسک)تفصیلات کے مطابق پہلا میچ کراچی کنگز اور اسلام آباد یونائیٹڈ کے درمیان شارجہ میں پاکستانی وقت کے مطابق شام ساڑھے چار بجے کھیلا جائے گا جبکہ دوسرا میچ پی ایس ایل کی ٹاپ ٹیمز کوئٹہ گلیڈیٹرز اور پشاور زلمے کے درمیان رات 9 بجے کھیلا جائے گا۔واضح رہے کہ کوئٹہ گلیڈیٹرز 5 میچز جیت کر پی ایس ایل میں ٹاپ ٹیم کی جگہ برقرار رکھے ہوئے ہے جبکہ پشاور زلمے 4 میچز جیت کرتاحال دوسرے نمبر پر ہے۔ علاوہ ازیں کراچی کنگز اور اسلام آباد یونائیٹڈ نے 2،2 میچز جیت رکھے ہیں اور بالترتیب تیسرے اور چوتھے نمبر پر براجمان ہیں۔