اسلام آباد(مانیٹرنگ ڈیسک)ورلڈ ٹی ٹوئنٹی کپ کے لئے پاکستانی سکواڈ کا اعلان ہوگیا۔خرم منظور کی سرپرائز انٹری،احمد شہزاد،عمر گل ،محمد رضوان او صہیب مقصود کو ڈراپ کردیا گیا۔جیو نیوز کے مطابق بھارت میں رواں سال مارچ میں ورلڈ ٹی ٹوئنٹی کپ ہونے جارہا ہے جس کیلئے پاکستانی سکواڈ کا اعلان آج کردیا گیا ہے جس میں حیران کن طور پر کئی کھلاڑیوں کو ڈراپ کر دیا گیا جن میں احمد شہزاد،صہیب مقصود،عمر گل اور محمد رضوان شامل ہیں۔خرم منظور کو ٹیم کا حصہ بنا لیا گیا ہے ۔ٹیم کی قیادت شاہد آفریدی کرینگے ۔15رکنی سکواڈ میں سرفراز احمد،محمد حفیظ،محمد عرفان، محمد عامر بھی ٹیم کا حصہ ہونگے۔