اسلام آباد (نیوز ڈیسک) لاہور قلندر کے اونر فواد رانا نے نجی ٹی وی چینل سے بات چیت کرتے ہوئے کہا کہ کرکٹ کے چاہنے والوں کو لاہور قلندر سے بہت امیدیں وابستہ ہیں اور ہم عوام کی ان امیدوں پر پورا اترنے کی کوشش کریں گے تاہم جب ان سے سوال کیا گیا کہ لاہور قلندر پاکستان سپر لیگ میں اچھا پرفارم نہیں کر رہی ہے تو انہوں نے کہا کہ لاہور قلندر اچھا پرفارم کرنے کی پوری کوشش کر رہی ہے۔ شروع کے میچز میں ٹیم وہ پرفارمنس نہیں دکھا سکی جس کی عوام امیدیں کر رہے تھے آئندہ میچز میں ٹیم کی پرفارمنس بہتر ہو گی۔ انہوں نے کہا کہ ہماری پاس ایک اچھی ٹیم ہے۔ کرس گیل سے متعلق پوچھے گئے سوال کے جواب میں انہوں نے کہا کہ بلاشبہ کرس گیل دنیا میں ٹی ٹوئنٹی کا بہت بڑا کھلاڑی ہے اور مجھے امید ہے کہ وہ اچھا پرفارم کرے گا اور لاہور والوں کو اچھی خبر سننے کو ملے گی۔‎