اسلام آباد (نیوز ڈیسک)پاکستان سکواش فیڈریشن کے زےر اہتمام عالمی جونیئر سکواش چمپئن شپ اور دیگر انٹرنیشنل ایونٹس کی تیاری کیلئے قومی ٹیم کے کھلاڑیوں کا تربیتی کیمپ 22 جولائی کومصحف علی سکواش کمپلیکس اسلام آباد میں دوبارہ شروع ہوگا۔ اےک دن تربےت کے بعد قومی ٹےم عالمی جونیئر انفرادی سکواش چمپئن مےں شرکت کےلئے 23 جولائی کو ہالینڈ روانہ ہوگی۔ پاکستان سکواش فیڈریشن کے سیکرٹری گروپ کیپٹن عامر نوازکے مطابق تربیتی کیمپ میں 8 کھلاڑی تربیت حاصل کر رہے ہیں جن میں2 سینئر اور 6 جونیئر کھلاڑی شامل ہیں۔ سینئر کھلاڑیوں میں ناصر اقبال اور فرحان زمان جبکہ جونیئر کھلاڑیوں میں طیب حسن ‘ عاصم خان ‘ اسرار احمد ‘ عباس شوکت ‘ احسن ایاز اور ذیشان خان شامل ہیں۔ انہوں نے کہا کہ عالمی جونیئر انفرادی سکواش چمپئن شپ 25 سے 27 جولائی تک ہالینڈ میں کھیلی جائے گی جس مےں پانچ قومی جونیئر کھلاڑی طیب اسلم ‘ عاصم خان ‘ اسرار احمد ‘ عباس شوکت اور احسن ایاز شرکت کریں گے۔ اےونٹ مےں شرکت کےلئے قومی ٹےم 23 جولائی کو ہالینڈ روانہ ہوگی۔