لاہور(نیوزڈیسک) چیف سلیکٹر ہارون رشید نے کہا ہے کہ سعید اجمل ہمارے ریڈار میں ہیں۔کاﺅنٹی کرکٹ میں ان کی کارکردگی پر نظر رکھے ہوئے ہیں، وقت آنے پر انھیں قومی ٹیم میں شامل کرلیا جائیگا۔انھوں نے کہا کہ آف اسپنر پاکستان کا اثاثہ ہیں، انگلینڈ میں ان کی پرفارمنس میں مسلسل بہتری آرہی ہے، وہ ہمارے ساتھ رابطے میں ہیں، انھوں نے کہا کہ عرفان بھی مکمل فٹ ہوچکےتاہم انہیں احتیاط سے استعمال کرینگے۔ہارون رشید نے کہا کہ فواد عالم دورئہ بنگلہ دیش میں پرفارم نہیں کرسکے تھے، وہ ٹیسٹ کرکٹ کیلیے زیادہ موزوں اور طویل المدتی منصوبے کا حصہ ہیں۔