لاہور( این این آئی)نامور مصنف، اداکار و میزبان واسع چوہدری نے انکشاف کیا ہے کہ انہوں نے 2013 میں پیش کی جانے والی فلم ”میں ہوں شاہد آفریدی ” کو تحریر کرنے کامعاوضہ ایک نامور کمپنی کا لیپ ٹاپ لیاتھا۔

ایک انٹر ویو میں واسع چوہدری سے جب سوال کیاگیا کیا آپ نے ہمایوں سعید سے فلم ”میں ہوں شاہد آفریدی ”کے معاوضے کے بدلے لیپ ٹاپ دینے کا کہا تھا۔جس کی واسع چوہدری نے تصدیق اور کہا کہ اس وقت مجھے لیپ ٹاپ چاہیے تھا ،مجھے معلوم تھا معاوضہ ملنا ہے لیکن اس وقت مجھے نامور کمپنی کے لیپ ٹاپ چاہیے تھااوراس وقت وہ لیپ ٹاپ کافی زیادہ مقبول تھا تومیں نے ہمایوں کو کہا کہ یہی دے دیں۔2011 میں اس لیپ ٹاپ کی قیمت لاکھ 16 ہزار تھی ،یہ بہت کم معاوضہ ہے ڈراموں میں اس سے کہیں زیادہ ملتا ہے۔ واسع چوہدری نے بتایا کہ ان کوانہی کی فرمائش پرملنے والا لیپ ٹاپ اب خراب ہو چکا ہوا ہے۔