مکوآنہ (این این آئی)سابق وزیرمملکت اورمسلم لیگ ن کے ڈویژنل صدرحاجی اکرم انصاری نے کہاہے کہ عمران خان کے سہولت کاربھی اب کارآمدنہیں رہے جبکہ عارف علوی نے بھی ساتھ چھوڑدیاہے اُمیدہے اب عمران خان اُن کے خلاف بھی گفتگو ایسی کریں گے جس طرح باجوہ سے متعلق کر تے رہے ہیں۔
9مئی کے بعد عمران خان کااب سیاست میں واپسی کاکوئی راستہ نہیں۔سب راست بندہوگئے ہیں۔پی ٹی آئی ملک کی واحد جماعت ہے جواپنے کردارکی وجہ سے ہمیشہ کے لئے ختم ہوچکی ہے۔زمان پارک ویران پارک بن گیاجبکہ ٹکٹ کے لئے لائن لگانے والے اب لائن لگاکرٹکٹ واپس کررہے ہیں دوسری طرف عمران خان جن کوڈاکوچورکہتے تھے اُن سے مزاکرات کی اپیل بھی کرہے ہیں۔7رکنی کمیٹی بنانے سے اُن کی ’’کمیٹی نہیں نکل سکتی‘‘ نہ پی ڈی ایم حکومت کی طرف اُن کایوٹرن کامیاب نہیں ہوگا۔اُنہوں نے کہاکہ سب ادارے آئین کے تابع ہیں اور کوئی فرد واحد پاکستان کو کنٹرول نہیں کر سکتا۔ کسی کو آئین ری رائٹ کرنے کی اجازت نہیں دی جاسکتی۔پانامہ کیس میں آئین و قانون کی خلاف ورزی کی گئی۔ آئین میں تاحیات نااہلی کا ذکر نہیں میاں نواز شریف کو تاحیات نااہل کیا گیا جو صریحاً خلاف قانون تھا۔اُن کاکہناتھاکہ میاں نوازشریف پارٹی کی صدارت سمیت بحال ہوں گے۔
