اسلام آباد (این این آئی)35 فیصد پاکستانیوں نے چیئرمین پاکستان تحریک انصاف عمران خان کا پنجاب اور کے پی اسمبلی توڑنے کا فیصلہ غلطی قرار دے دیا جبکہ 16 فیصد پاکستانی چیئرمین پی ٹی آئی کے اس اقدام کے حامی نظر آئے۔انسٹیٹیوٹ فار پبلک اوپینئن ریسرچ (آئی پور) نے عوام کی آراء پر مبنی نیا سروے جاری کردیا۔51 فیصد پاکستانیوں نے پنجاب اور کے پی اسمبلی کے انتخابات قومی اسمبلی کے ساتھ کرانے کی حمایت کردی جبکہ 34 فیصد نے اس کی مخالفت کی اور کہا کہ قومی اور صوبائی اسمبلی کے انتخابات الگ الگ ہونے چاہئیں۔سروے میں 77 فیصد پاکستانیوں نے موجودہ سیاسی حالات میں تمام سیاست دانوں اور اداروں کو مل کر ملکی مسائل حل کرنے کا بھی مشورہ دیا۔اس سوال پر کہ ملک میں مہنگائی کا ذمہ دار کون ہے؟ 49فیصد پاکستانیوں نیموجودہ پی ڈی ایم حکومت جبکہ32فیصد نے عمران خان کی سابقہ حکومت کو مہنگائی کا ذمہ دار قرار دیا۔

موضوعات:رائے