و ہاڑی (این این آئی)ضلع وہاڑی کی تحصیل بورے والا میں دہرے قتل کی واردات کے ملزم نے پولیس کو گرفتاری دینے کے بجائے مبینہ طور پر خودکشی کرلی۔نواحی علاقے مانا موڑ کے قریب گزشتہ شب رقم کے لین دین کے تنازع پر ملزم 16 سالہ نوجوان سمیت دو افراد کو سوتے میں گلے کاٹ کر قتل کر کے فرار ہوگیا تھا۔پولیس نے ملزم کا سراغ لگا کر اس کے ٹھکانے کا گھیراؤ کر کے اسے ہتھیار پھینکنے کا کہا تاہم جنونی ملزم نے گھر کے اندر ہی خود کو سر پر فائر مار کر خودکشی کرلی۔پولیس کے مطابق ملزم اس سے قبل قتل کے ایسے 2 مقدمات میں ملوث تھا، لاش پوسٹمارٹم کے لیے اسپتال منتقل کردی گئی ہے۔