اسلام آباد (این این آئی)وزیر داخلہ رانا ثنا اللہ نے کہا ہے کہ ہم سپریم کورٹ کے فیصلے سے متفق نہیں ہیں، اس بینچ پر عدم اعتماد کردیا تھا۔پارلیمنٹ میں میڈیا سے گفتگو میں رانا ثنا اللہ نے کہا کہ ہمارا موقف ہے کہ یہ ازخود نوٹس چار تین سے مسترد ہوچکا تھا۔انہوں نے کہا کہ اقلیتی فیصلے پر عمل درآمد آئین اور قانون کے تقاضوں پر پورا نہیں اترتا، اس بینچ پر عدم اعتماد کردیا تھا۔رانا ثنا اللہ نے کہا کہ ہماری تمام اتحادی جماعتیں اس مقف پر متحد ہیں، عدم اعتماد کے بعد لارجر یا فل کورٹ بننا چاہیے تھا۔