اسلام آباد(مانیٹرنگ ڈیسک)پنجاب اور خیبرپختونخوا انتخابات کیس کا فیصلہ آج کسی بھی وقت سنایا جائے گا، سپریم کورٹ کے باہر بدنظمی کے باعث اعظم نذیر تارڑ کو داخلے سے روک دیا گیا ۔نجی ٹی وی کے مطابق وفاقی وزیر داخلہ رانا ثنا اللہ اور اعظم نذیر تارڑ نے سپریم کورٹ کے باہر میڈیا سے گفتگو کی، سپریم کورٹ کے باہر بدنظمی کے باعث وفاقی وزرا کو داخلے سے روک دیا گیا ۔وزیر قانون اعظم نذیر تارڑ کو اسلام آباد پولیس نے گیٹ پر روک لیا،تعارف کرانے کے باوجود اعظم نذیر تارڑ کو روک دیا ۔دوسری جانب سپریم کورٹ کے باہر سکیورٹی کے سخت انتظامات کیے گیے ہیں۔