لاہور ( این این آئی) پاکستان مسلم لیگ (ن) کی سینئر نائب صدر و چیف آرگنائزر مریم نواز نے کہا ہے کہ لاڈلے پر مہربانی کی گئی تو ردِعمل آئے گا۔انہوں نے مائیکرو بلاگنگ ویب سائٹ ٹوئٹر پر جاری اپنے بیان میں کہاکہ یہ 2018نہیں ہے،لاڈلے پر مہربانی کی گئی تو ردِعمل آئے گا،یہ ان کے لیے آسان نہیں ہوگا۔اس سے قبل سابق وزیراعظم عمران خان کے ٹویٹ کو ری ٹویٹ کرتے ہوئے چیف آرگنائزر مسلم لیگ (ن) لکھا تھا کہ تم بھی کرپٹ اور تمہیں تحفظ دینے والے ججز بھی کرپٹ، یہ کرپشن اور احتساب سے بچنے کا نیٹ ورک ہے جو اب ہونا نہیں ہے،تم تو ڈوب رہے ہو، نئے سہولت کاروں کو بھی کہیں کا نہیں چھوڑو گے۔