اسلام آباد (این این آئی)وزیر اعظم شہباز شریف کی زیر صدارت وفاقی کابینہ کے ہنگامی اجلاس میں کابینہ نے رجسٹرار سپریم کورٹ کو واپس بلانے کی منظوری دیدی۔ذرائع کے مطابق وفاقی کابینہ کے ہنگامی اجلاس میں ایک نکاتی ایجنڈے میں سپریم کورٹ میں زیرسماعت الیکشن التواکیس پرغور کیاگیاذرائع نے بتایا کہ کیس کے مختلف پہلوؤں اور کسی بھی فیصلے کے ممکنہ اثرات پر غور کیا گیا۔ نجی ٹی وی کے مطابق ذرائع نے بتایا کہ وفاقی کابینہ کے اجلاس سے تمام سرکاری افسروں کو باہر بھیج دیا گیا اور اجلاس میں صرف وزرا ء موجود رہے۔ذرائع کے مطابق وفاقی کابینہ نے رجسٹرار سپریم کورٹ کو واپس بلانے کی منظوری دے دی۔ذرائع کے مطابق سپریم کورٹ کے سینئر ترین جج جسٹس قاضی فائز عیسٰی کے خط پررجسٹرارسپریم کورٹ کو واپس بلانے کی منظوری دی گئی۔