سلام آباد(این این آئی)وزارت خزانہ نے فیڈرل کنسالیڈیٹڈ فنڈ کے استعمال سے متعلق قوانین کی وضاحت کردی۔خزانہ ڈویژن کے مطابق قومی اسمبلی اور وزیراعظم کی منظوری کے بغیر اخراجات نہیں کیے جا سکتے، مالی سال کے دوران فیڈرل فنڈ سے
اخراجات کیلیے مجاز اتھارٹی کی اجازت لازمی ہے۔خزانہ ڈویژن کے مطابق پیشگی منظوری کے بغیر فنڈز سرمایہ کاری یا کسی اکانٹ میں منتقل نہیں ہوسکتے۔خزانہ ڈویژن نے سرکاری اداروں، ماتحت محکموں، کمشنز، کارپوریشنز کو قوانین پر سختی سے عمل کی ہدایت کی ہے اور کہا کہ مقررہ بجٹ میں سے اخراجات کیلئے منصوبے کی مکمل تفصیلات ہونا ضروری ہے۔خزانہ ڈویژن کے مطابق تمام پرنسپل اکاؤنٹنگ آفیسرز مالی ڈسپلن پر عمل درآمد کے سختی سے پابند ہیں۔خیال رہے کہ گزشتہ روز سپریم کورٹ نے پنجاب اور خیبرپختونخوا میں انتخابات سے متعلق کیس میں حکومت سے انتخابی اخراجات کیلیے فیڈرل کنسالیڈیٹڈ فنڈ کے بارے میں استفسار کیا تھا۔
