چندی گڑھ(این این آئی )خالصتان کے لیڈر گرپتونت سنگھ پنوں نے برطانیہ کے لارڈ رمی رینجر پرمقدمہ کردیا۔غیرملکی خبررسا ں ادارے کے مطابق خالصتان کیلیڈر گرپتونت سنگھ پنوں نے مطالبہ کیا کہ لارڈ رمی رینجر انہیں پاکستان کا ایجنٹ اور فنڈنگ کا الزام ثابت کریں یا اپنے بیان پر معافی مانگیں۔معروف بھارتی تاجر لارڈ رمی رینجر نے دو مرتبہ متنازع بیانات دئیے تھے اور الزام لگایا تھاکہ بھارت کے دشمن ایس ایف جے اور پنوں کو فنڈنگ کرتے ہیں۔دو ماہ قبل رمی رینجر نے پاکستانیوں سے متعلق توہین آمیز بیان پر معافی مانگی تھی۔