اسلام آباد (این این آئی) ترجمان سپریم کورٹ نے کہا کہ چیف جسٹس کے کچھ ریمارکس میڈیا پر درست انداز میں رپورٹ نہیں ہوئے۔ سپریم کورٹ نے چیف جسٹس کے ممبران اسمبلی کے بارے میں ریمارکس کی وضاحت جاری کردی۔ترجمان سپریم کورٹ نے کہاہے کہ چیف جسٹس نے کہا آئین اس قوم اور معاشرے کیلئے لازمی ہے، آئین وفاق کو جوڑے رکھتا ہے۔ترجمان نے بتایا کہ چیف جسٹس پاکستان کا کہنا ہے کہ آئین جمہوریت کو زندہ رکھتا ہے، آئین ہمارے لیے بہت اہم ہے۔ترجمان کے مطابق چیف جسٹس نے کہا کہ آپ پارلیمنٹ جائیں تو آپ کو خطاب کرتے ایسے لوگ ملتے ہیں جو کل تک قید تھے، غدار قرار دیئے گئے تھے۔انہوں نے کہا کہ اب وہ لوگ وہاں بات کر رہے ہیں اور ان کو عزت دی جا رہی ہے کیونکہ وہ عوام کے نمائندے ہیں۔