اندور(این این آئی)بھارت کی ریاست مدھیا پردیش کے شہر اندور کے مندر میں فرش ٹوٹنے کے حادثے میں مرنے والوں کی تعداد 35 ہوگئی۔بھارتی میڈیا کے مطابق 14 افراد کو ریسکیو کرلیا گیا ہے جبکہ ایک شخص لاپتا ہے جس کی تلاش کے لیے ریسکیو آپریشن جاری ہے۔گزشتہ روز رام نوامی تہوار کے موقع پر مندر میں ہندو یاتریوں کی بڑی تعداد موجود تھی اور جب مندر کا فرش ٹوٹا تو وہاں موجود ہندو یاتری نیچے کنویں تک پہنچنے والے زینے پر گر گئے۔بھارتی وزیراعظم نریندر مودی اور مدھیا پردیش کے وزیراعلی شیوراج سنگھ نے گزشتہ روز ہی امدادی کارروائی کی ہدایت کردی تھی۔