اسلام آباد (این این آئی)وزیر خزانہ اسحاق ڈار کی زیر صدارت اقتصادی رابطہ کمیٹی (ای سی سی) نے تین ایئرپورٹس آؤٹ سورس کرنے کے لیے آئی ایف سی کو ٹرانزیکشن مشیر مقرر کرنے کی منظوری دے دی۔جمعرات کو جاری اعلامیے میں کہا گیا کہ کراچی، لاہور، اسلام آباد ایئرپورٹس پبلک پرائیویٹ پارٹنرشپ کے تحت آؤٹ سورس کیے جانے ہیں۔ای سی سی اجلاس: 3 بڑے ایئرپورٹ کو آؤٹ سورس کرنے کا معاملہ ایجنڈے میں شامل ہیں،ماڑی پیٹرولیم کی دو دریافتوں ہلال اور اقبال فیلڈ کو ڈیولپ کرنے کے لیے فنڈز کی منظوری بھی دی گئی۔پولینڈ کی کمپنی کو تیل تلاش کے لیے کام کرنے میں دو سال کی توسیع کی منظوری دی۔غازی کے مقام پر ماڑی پیٹرولیم کو تیل کے کنویں کا ٹیسٹ کرنے کی منظوری بھی دی گئی۔ای سی سی نے حکومت اور کیالیکٹرک کے درمیان ادائیگیوں پر ٹیکسوں کی شرح کے معاہدے کی منظوری مؤخر کردی۔