نئی دہلی(این این آئی)بھارت میں ریٹائر فوجی بھی مودی کے ظلم کا شکار، مودی نیاپنے ریٹائرڈ فوجیوں کو تنگ کرنا شروع کردیا۔ مودی کی ظالمانہ پالیسی کیخلاف ہزاروں سابق فوجی سڑکوں پر آگئے ، شدید احتجاج،اب تک 5ہزار سے زائد ریٹائرڈ بھارتی فوجی مودی سرکار کو

احتجاجا اپنے تمغے واپس کر چکے ہیں۔ بھارتی سپریم کورٹ کے واضح احکامات کے باوجود سرکار نے ترمیم یافتہ بل منظورکرلیا۔ ریٹائرڈ فوجیوں نے بل کو مسترد کردیا تھا۔ بھارتی وزیراعظم نریندرا مودی نے الیکشن مہم کے دوران سابق فوجیوں کو ایک رینک، ایک پینشن کے سبز باغ دکھاکر حکومت بنا لی لیکن وقت گزرنے کے ساتھ ریٹائرڈ فوجیوں کو دھوکا دے دیا سابق بھارتی جنرل وی کے سنگھ سمیت ہزاروں ریٹائرڈ فوجیوں نے مودی کے وعدے پر اعتبار کرکے بی جے پی کو ووٹ دیا لیکن کامیابی کے بعد مودی وعدے سے مکر گیا اور ریٹائرڈ فوجیوں کو ایک رینک اور ایک پینشن نہ مل سکی۔ہزاروں سابق فوجیوں نے مودی سرکار کے خلاف مظاہرے کئے جن کے شرکا پر تشدد کیا گیا۔ مظاہرین پر تشدد کے بعد 10سابقہ آرمی چیفز نے مودی کو خط میں مذمت کی اور تحقیقاتی کمیشن بنانے کا مطالبہ کیا۔ صوبیدار رام کشن نے مطالبات کی نامنظوری پر خودکشی کر لی تھی۔