اسلام آباد (این این آئی)روس سے خام تیل کا پہلا آزمائشی کارگو اپریل میں پاکستان لانے کی کوششیں مزید تیز کر دی گئی ہیں ،پیٹرولیم ڈویژن کے ذرائع کے مطابق روس سے خام تیل کا یہ کارگو اپریل کے وسط کے بعد تک متوقع ہے۔ذرائع کے مطابق روس سے تیل درآمد کے لیے ایس پی وی کمپنی کے قیام سمیت تمام امور پر کام جاری ہے، کمپنی کے قیام کیلئے ایس ای سی پی سے رابطہ کر رہے ہیں۔اس حوالے سے پاور ڈویژن کے ترجمان نے کہا کہ روس سے تیل کی درآمد کے لیے دونوں ملک مکمل رابطے میں ہیں، روس سے تیل کی خریداری کا عزم کیے ہوئے ہیں، کوشش ہے جلد سستا تیل پاکستان آئے۔ترجمان کے مطابق گزشتہ ہفتے روسی وفد نے کراچی میں پی ایس او حکام سے مذاکرات بھی کیے تھے۔