ساہیوال (این این آئی)ساہیوال میں مفت آٹے کی تقسیم کے دوران بھگدڑ مچنے سے 65 سالہ خاتون جاں بحق اور 19 زخمی ہو گئیں۔ ریسکیو حکام کے مطابق مفت آٹے کی تقسیم کے دوران بھگدڑ مچنے کا واقعہ نواز شریف پارک میں پیش آیا، بھگدڑ میں دھکم پیل سے خاتون نسیم اختر دم توڑ گئی ،19 زخمی ہوگئیں جنہیں ہسپتال منتقل کردیا گیا۔ذرائع کے مطابق ریسکیو کی 5 سے زائد گاڑیوں نے آپریشن میں حصہ لیا۔ ذرائع کے مطابق اطلاع ملنے پر پولیس اور ضلعی انتظامیہ کے افسران بھی موقع پر پہنچے۔مفت آٹا لینے والوں نے کہا کہ یہ واقعہ ضلعی انتظامیہ کے ناقص انتظامات کے باعث پیش آیا۔