شارجہ (مانیٹرنگ ڈیسک) پاکستان اور افغانستان کے درمیان کھیلے جانے والے ٹی ٹوئنٹی میچز کی سیریز کے دوسرے میچ میں پاکستان نے ٹاس جیت کر پہلے بیٹنگ کا فیصلہ کیا، پاکستان کی جانب سے صائم ایوب صفر، محمد حارث 15، عبداللہ شفیق 0، طیب طاہر 13، اعظم خان 1 رنز،

جبکہ شاداب خان آخری گیند پر 33 رنز بنا کر ر ن آؤٹ ہوئے،عماد وسیم 64 رنز کے ساتھ ناٹ آؤٹ رہے۔ پاکستان نے مقررہ بیس اوورز میں 6 وکٹوں کے نقصان پر 130رنز بنائے اور افغانستان کو جیتنے کے لئے 131رنز کا ہدف دیا، افغانستان کی جانب سے فضل حق فاروقی نے دو، نوین الحق، راشد خان اور کریم جنت نے ایک ایک کھلاڑی کو آؤٹ کیا۔ افغانستان کی جانب سے عثمان غنی گربز 7، رحمان اللہ گربز 44، ابراہیم زادران 38 رنز بنا کر آؤٹ ہوئے، نجیب اللہ زادران 23 اور محمد نبی 14 رنز کے ساتھ ناٹ آؤٹ رہے، افغانستان نے یہ میچ 19.5 اوورز میں تین وکٹوں کے نقصان پر جیت لیا۔ اس طرح افغانستان نے دوسرا ٹی ٹوئنٹی میچ جیت کر سیریز بھی جیت لی ہے۔ پاکستان کی جانب سے زمان خان اور احسان اللہ نے ایک ایک کھلاڑی کو آؤٹ کیا۔

موضوعات:افغانستان