لاہو ر( این این آئی) پاکستان مسلم لیگ (ن) کی سینئر نائب صدر و چیف آرگنائزر مریم نواز نے کہا ہے کہ جس جس نے بھی عمران کی سہولت کاری کی، بدنامی و رسوائی اس کا مقدر بنی۔ انہوں نے سماجی رابطے کی ویب سائٹ ٹوئٹر پر چیئرمین تحریک انصاف عمران خان کی مینار پاکستان جلسے سے بلٹ پروف کنٹینر سے خطاب کی ویڈیو شیئر کرتے ہوئے کہا کہ جب کوئی آپ پر ظلم کرے تو صبر سے کام لیں کیونکہ اللہ سبحانہ و تعالی نے ان کے لیے بھی ایک منصوبہ بنایا ہوا ہے۔مریم نواز نے اپنے ایک اور ٹوئٹ میں کہا کہ جس جس نے بھی عمران کی سہولت کاری کی، بدنامی و رسوائی اس کا مقدر بنی۔ عمران ایک فارن ایجنٹ ہے جس کی ذمہ داری پاکستان میں فتنہ و انتشار پیدا کرنا ہے تاکہ یہ ملک آگے نا بڑھ پائے اور ہر وہ ہاتھ جو اس شیطانی کھیل کو مضبوط کرنے کے لیے اٹھتا ہے، اسی کھیل کا حصہ تصور کیا جائے گا۔